I helga var det regionting i NMF Hordaland med ulike foredrag og innslag som dei over 100 frammøtte fekk vere med på. Spesielt i år var at Eirik Helland etter ti år som regionrådsleiar og 16 år i styret til NMF Hordaland, trer ut av styret og vert erstatta av Eivind H. Hermansen som leiar. For dette arbeidet Helland har lagt ned, fekk han med seg NMFs fortenestemedalje og diplom for lang og tru tjeneste som tillitsvalgt. Gjennom alle desse åra har han vore ein særs solid figur i NMFs arbeide i Hordaland og ellers i landet. 

I tillegg til å ha vore vår lokale tillitsvalgte i NMF, har Helland også vore i styret i EBML i ei årrekkje. Som kasserer styrer han pengesekken til EBML og gjer det i stor grad mogleg for oss å realisere mange av våre draumar. 

No er han også klar for tur til Freiburg, og me gler oss til å ta med han og resten av støttelaget vårt på gulltokt!

Før vi reiser til EM i Freiburg vil vi gjerne vise vårt eige publikum her heime kva vi skal framføre i EM. Dette betyr Noregspremiere på pliktnummeret, "The God Particle" av Rolf Rudin.

Med oss på konserten har vi EB-junior, vårt eige ungdomskorps. 

Velkommen til Grieghallens Foajé måndag 27.4 kl 1900.

PROGRAM:

EB-Junior - dirigent Andreas Lien Røe

Entering Her Majesty's Court - Queen, arr. Svein Henrik Giske
Nocturne - Torstein Aagaard-Nilsen
Slaidburn - William Rimmer
Resurection, fra Gustav Mahlers 2. symfoni

Eikanger-Bjørsvik Musikklag, dirigent Professor David King

Pliktnummer - The God Particle - Rolf Rudin
Selvvalgt verk (som diverre ikkje kan annonserast grunna reglementet)


Billettprisar: kr 150/100, kan kjøpast ved inngangen. Gratis inngong for skulekorpsmusikantar.


Sjekk facebookeventen for meir info. 

For fyrste gong vert europameisterskapet for brassband arrangert i Tyskland. I byen Freiburg, skal eliten av europas korps tevle i eit særs sterkt felt. For EBML kan det verte for tredje gong ein hentar heim det høgthengande EM-trofèet til Nordhordland. 

Heilt sør i Tyskland finn me Freiburg (im Breisgau), ein by litt mindre enn Bergen. Plassert i mektige omgivelser mellom fem fjell, ligg byen ein halvtimes kjøretur frå Sveits. 

EBML reiser saman med eit stort, norsk reisefølge til Tyskland. Familie, supportarar og andre brassinteresserte tek turen for å heie fram favorittlaget sitt. I konkurransen møter EBML stor motstand frå mellom anna Black Dyke, Cory Band og ikkje minst regjerande meistrar Bürgermusik Luzern. Sistnevnte er nærmast på heimebane å rekne og er særs sultne på å beholde trofèet.  

Årets pliktnummerkomponist er tyske Rolf Rudin. Han skriv her sitt fyrste stykke for brassband, "The God Particle". Tittelen viser til boka med same navn av Leon M. Lederman som tek utgangspunkt i CERN sitt arbeid med å finne det såkalla "Higgs-Boson".  Tittelen på boka var visstnok originalt "The Goddamn Particle", og speler på det lange og krevande arbeidet med å få partikkelen bekrefta, men vart sensurert. 

Komplisert fysikk viser seg å vere eit godt utgangspunkt for bra musikk, då Rudin har levert eit imponerande verk. Særleg er det spanande korleis han får fram ei slags sirkelrøyrsle i musikken, som viser til den tre mil lange "Large Hadron Collider" som sender partikler i bane. Rudin har også valgt å nytte seg av ein utbygd slagverkspark med dobbelt opp av paukesett (!), vibrafonar og stortrommer. Konferansier Stein Skorpholm må altså gjere sitt beste for å roe ned stressa slagverkere i febrilsk omrigg. 

Sidan Manger Skulemusikklag vann førre års EM for skulekorps, får dei selskap av noregsmeistrane Søreide-Sandsli Skolekorps i årets "European Youth Championship". Freiburg ventar ein norsk invasjon når heile tre norske korps er i aksjon og kjempar om edelt metall.

EBML gler seg uhemma til ein god tur med nye opplevingar saman med gamle og nye vener.