Heider til Eirik Helland

I helga var det regionting i NMF Hordaland med ulike foredrag og innslag som dei over 100 frammøtte fekk vere med på. Spesielt i år var at Eirik Helland etter ti år som regionrådsleiar og 16 år i styret til NMF Hordaland, trer ut av styret og vert erstatta av Eivind H. Hermansen som leiar. For dette arbeidet Helland har lagt ned, fekk han med seg NMFs fortenestemedalje og diplom for lang og tru tjeneste som tillitsvalgt. Gjennom alle desse åra har han vore ein særs solid figur i NMFs arbeide i Hordaland og ellers i landet. 

I tillegg til å ha vore vår lokale tillitsvalgte i NMF, har Helland også vore i styret i EBML i ei årrekkje. Som kasserer styrer han pengesekken til EBML og gjer det i stor grad mogleg for oss å realisere mange av våre draumar. 

No er han også klar for tur til Freiburg, og me gler oss til å ta med han og resten av støttelaget vårt på gulltokt!

---