NM 2017

Årets vakraste eventyr nærmer seg og NM for brassband står for døra. EBML deltar for 38.gong i noregsmeisterskapet og jaktar på sitt 17.gull.

Til podiet har me i år henta den ettertrakta orkesterdirigenten, Ingar Bergby. Han er til vanleg kunsterisk leiar for Sjøforsvarets Musikkorps og har ellers ei lang rekke med prestisjetunge engasjement hjå nordiske orkestre og ensembler. Han har m.a. vore mykje nytta som dirigent for Kringkastningsorkesteret, Oslo Filharmoniske orkester og Bergen Filharmoniske orkester. Bergby kan seias å vere ein skikkeleg korpsgut og kan frå før av skilte med fem NM-titler med Lillestrøm Musikkorps. Sarpingen er ein god ven av korpset og har sidan midten av 90-talet dirigert utallege konserter med EBML. I år skal han for andre gong leie EBML i NM og skal også ha korpset til EM i Oostende.

---

---

Pliktnummeret er i år "Variations on a Theme of Michael Tippett", eit stykke EBML stifta kjennskap til for omlag ti år sidan med superdirigenten Bram Tovey. Dette er unikt stykke i NM-samanheng, då det er satt saman av satsar skreve av britiske komponistar for å feire 100-årsjubileet til Tippett. Navn som Howarth, Tovey, Gregson og Wilby har vore med på dette, der Paul Hindmarsh har satt det saman. Då det er lukka dømming i pliktnummeravdelinga, veit me ikkje enno når EBML skal på scenen i Grieghallen.

Vårt sjølvvalgte stykke er i år "Fraternity" av Thierry Deleruyelle, opprinneleg skrevet til EM i Lille i fjor. 16.45 går me på scenen og ser fram til å gi ei heftig musikalsk fortelling om den store gruveulykka i 1906 i Frankrike stykket er basert på. Det vert stor dramatikk og sterke kjensler i dette særs spanande verket av franskmannen.

Laurdag kveld kan ein sjå fram til ein kjekk festkonsert saman med EBML. Me lovar morosam musikk og lettbeint underholdning som kan få opp stemninga inn i dei seine timar.

Følg oss i helga på TV2-Sumo, Facebooksida vår, @eikangerbjorsvik på Instagram, @ebml på Twitter og @ebmlsnap på snapchat. Me ser fram til å treffe vener og kjente i helga!

---