Takk og velkommen til nye og gamle medlemmer

Overgangsmarknaden går som vanleg hett før sommeren for alle korps omkring, EBML inkludert. Me er som alltid leie oss for dei som gir seg hos oss, men ønskjer samtidig dei som byrjar hjarteleg velkommen. 

David Hoen Tjore, Jonathan Midthaug Torsvik og Alice Fagerdal har alle gjort ein fin-fin innsats i den tida dei har vore med oss. Dei gir seg alle pga jobb og studier og me ynskjer dei lykke til videre! 

Jannicke Eide Ellingsen har spelt i heile ti år og dermed nettopp ferdig med aspiranttida i EBML. No tek ho steget over til Krohnengen Brass Band og kjem der til å vere ei solid styrke for dei i vegen vidare! Me misunner dei dette kuppet, for Jannicke er verkeleg ei super dame me kjem til å sakne. Lykke til videre, Jannicke!

Tina Foseide Toklum er ein av veteranane i EBML som med humøret og spelinga si har vore ei klippe på bakrekka me kjem til å sakne.  Frå å vere ei stavangerfrue, har ho vorte ei striledame med mange jern i ilden på garden. Me ynskjer henne masse lykke til videre og takk for formidabel innsats i nesten to tiår!

I tillegg til desse, går også David Morton og Arnfinn Rønneberg ut i permisjon. Arnfinn får nye utfordringar i Statoil i harde tider og må ta pause i eit år, medan David får andre utfordringar heime når han og Birgitte får ei dotter i haust. David kjem heldigvis tilbake etter kvart når han har vorte vant med våkenetter og bleieskift. 

Det kjem heldigvis inn nye musikantar for desse, klare for dyst som gler oss til å stifte kjennskap med!

Inn på kornett kjem den ferske NM- og EM-vinnaren Lasse Magnussen frå Tertnes Skoles Musikkorps. Som son av Egil Magnussen, er han ein av fleire andregenerasjons EBML-musikanter som har begynt i EBML dei seinare åra. Kjekt å sjå at arva føres vidare i slektsledd!

I frå Tertnes-miljøet kjem også Hilde Øian som nytt solohorn. Ho har tidlegere spelt i Tomra Brass Band, Manger Musikklag og Tertnes Brass, men er no klar for nye utfordringar i EBML. Som korpsmor i Tertnes har ho vore med på litt av kvart dei seinare åra, som me tenker er ei stor fordel å ha med seg til ein av dei hottaste hornplassane i brassverda. 

Frå Haugalandet og seinast Kleppe Musikklag, kjem Kjetil Djønne på tutti-euphonium. Ei ung kar me er viss på kjem til å gjere ein strålandes innsats. 

Me tek no ein velfortent sommerferie og gler oss til Feriespel og sesongstart!

---

Lasse Magnussen

Hilde Øian

Kjetil Djønne