Reid Gilje

Reid Gilje er Eikanger-Bjørsvik sin faste dirigent. Han er ein allsidig musikar med bakgrunn som kornettist frå Stavanger Brass Band, Krohnengen Brass Band, Norges Nasjonale Ungdomskorps og H.M.Kongens Gardes Musikkorps, og som flygelhornist i Norges Ungdoms Brassband og Eikanger-Bjørsvik.

Gilje er aktiv frilansar på trompet innan sjangrane pop, rock og jazz. Han har hatt fleire oppdrag i TV, teater- og showproduksjonar. Som fast medlem av Bergen Big Band har han dessutan vore involvert i samarbeidsprosjekt med Andy Sheppard, Ernie Watts, Joe Henderson, Martial Solal, Diana Krall, Sissel Kyrkjebø m.fl.

Reid Gilje har dirigentutdanning frå Griegakademiet og har dirigert fleire av dei beste brassbanda i Norge og i England og fleire av forsvarskorpsa i Noreg. I tillegg vert han mykje nytta som instruktør på seminar og sommarkurs landet rundt.